Bnr. 1 Mattisgarden

Erik var brukar her frå 1603 til 1611. Han dreiv om lag ein tredjedel av Østrem. Erik vart innkalla som soldat i 1611. Det er mogeleg at han ikkje kom heim att, for sonen tok over bruket det året.

a) Peder   tok over bruket.

b) Berte   vart dømd 1611 for frillelevnad med Jon Ellings. Emblem(6+7) frå Steffågarden, brukar Emblem(6+7).

Sonen Peder Erikson Østrem(1) tok over 1611. I 1614 delte han garden med neste brukar, Knut Hanson Østrem. I følge gardsoga for Borgund og Giske, band II, skal Peder ha drive sin del av garden til om lag 1640.

Knut Hansson Østrem delte på bygselen med 401 Peder Erikson Østrem(1) ovanfor. Han dreiv sin del frå 1614 til 1640, før han overlot gardparten til sonen.

a) Hans  ca.1615  tok over bruket.

b) Gunnhild  ca.1615-1653   vart halshogd for «fødsel i dølgsmaal» med Sjur Ingebrigts. Midtgård frå Sykkylven. Ho hadde vore tenar der. Bornet døydde ved fødselen 1653.

Hans Knutson Østrem (f.ca.1615) var brukar frå 1640 til 1685. Han tok også over bygsel på Peder sin del av garden, etter 1640. Hans skatta 1658 for hest og 6 kyr.

a) Ole  1645-1709  tok over bruket.

 Sonen Ole Hansson Østrem(1) (1645-1709) var brukar til han døydde i 1709. Han var gift med Anne Larsdotter (ca.1665-1709). Dei vart gravlagde samtidig, men årsaka er ikkje kjent. I skiftet etter dei var hest, 7 kyr, 3 kviger, kalv, kjempefæring, kastenot, laksenot og mykje anna fiskeutstyr.

a) Inger  1678-1765  tok over bruket.

b) Olle  ca.1687  vart ikkje nemnd ved arveskiftet 1709.

c) Anne  dp.1703  1739 g.m. Nils Jonson Sulebakk.

Svigersonen Gjervald Larsson Svartebekk(1) (1670-1757), frå Hundeidvika, gifta seg med Inger Olsdotter Østrem(1) (1678-1765), på årets første dag i 1710. Dei tok seinare kår hos sonen.

a) Ane  dp.1710-1778  1744 g.m. Endre Lars. Østremsreit(1), på nabobruket Østremsreiten.

b) Ole  1712-1761  tok over bruket.

c) Martha  1714-1757  1757 g.m. enkem. Niels Ols. Bjørke(6), brukar Bjørke (6). Han hadde ei dotter med Anne Sjursd. Bjørke(5). Anne gifta seg med storebror til Martha, Ole.

d) Lars  dp.1720-1779  er nemnd på Stadsnes, Dyrøy, i tidsrommet 1745 til 1758.

e) Ole  dp.1722-1779  var husmann på Vedde 1756. Nemnd på Østremsreiten 1765, og Østrem 1767. Kanskje husmann ved Østremsjøen.

f) N.N.  f.1725   Kanskje er dette den samme som Sara nedanfor.

g) Sara  ca.1725-1790  1764 g.m. enkem. Elling Aagesen Veddegjerde, brukar Veddegjerde(1).

h) Giervald dp.1729 vart Ikkje nemnd i arveskiftet 1758.

Sonen Ole Gjervaldson Østrem(1) (1712-1761) tok over bygselskåra 1740. Han gifta seg 1742 med Anne Sjursdotter Bjørke(5) (1705-1775) frå Hjørundfjorden. Ho hadde ei dotter frå før av, med svogeren. Ole etterlot seg eit skiftebu på 148 riksdaler. Gjelda var på kun 33 riksdaler, så dei hadde klart seg bra. I skifteprotkollen er det nemnd hest, 5 kyr, 3 kviger, 10 geiter og 7 sauer. Ole hadde mykje fiskereiskap, 2 kjempefæringar og part i ein tredje, samt ein seksrøring. Ole dreiv som snikkar. Han sette seg opp ny kvern på bruket.

a) Ane Nilsd. Bjørke  dp.1736-1809  Anne si dotter. Faren var Nils Ols. Bjørke(6), som gifta seg med Martha Gjervaldsd. Østrem(1) i 1757. Ane var ei tid brukar  i Steffagaren, Nedregotten(5), før ho flytte til Veibuststrand.

b) Birthe  dp.1742  tok over bruket.

c) Gidschen  dp.1747-1786  1774 g.m. Lars Ols. Akslen(4), brukar Høla, Akslen(4). Sjå meir om dei der.

Svigersonen 459e Samund Steensen Østrem(4) (dp.1738-1786) kom frå nabobruket Steinsgarden, Østrem(4). Han var brukar frå 1764 til 1788, og gifta seg 1764 med Birthe Olsd. Østrem(1) (dp.1742). Dei dreiv bruket frå 1764 til 1788. Samund lånte i 1778 80 riksdalar, hos handelsmann Mechlenburg i Vegsundet. Han pantsette då hest, 5 kyr, 5 kviger, ukse, 7 geiter, færing, og partar i åttring og seksrøring, samt 1/2 kvern. Det er usikkert kven som eigde den andre halvparten av kverna, som svigerfaren hadde bygd. Begge svigerforeldra hadde nemleg gått bort tidlegare.

a) Inger  dp.1766-1844  1806 g.m. Anders Hansen Røijsen, brukar Røysa, Ålesund.

b) Ole  dp. 1767-1805  var ugift. Drukna utanfor Giskeødegård, der 8 omkom 13. juni. Kanskje var dei del av eit båtlag.

c) Arne  dp.1770-1808  var ugift. Busett 1809 Nyholmen, Bodø.

d) Anne  dp.1773-1852  1808 g. m. Ole Olsen Vegsundrabb(1), brukar Ystenes(I).

e) Birthe  dp.1776-1777  døydde 10 månedar gamal.

f) Ingeborg  dp.1778-1790  døydde 12 år gamal.

g) Olava  dp.1781-1781  døydde 8 dagar gamal.

h) Berte Olave  dp.1783-1854  1832 g.m. kårmann Johannes Henriks. Standal(S,6), brukar Hanken(8).

Ole Larsson Emblem (ca.1749-1828) gifta seg 1788, med Aleth Hansdotter Høegh, Emblem(5) (dp.1762-1826), frå Ystebøen. Ho vart fødd på Flisholmen. Dei dreiv garden frå 1788 til 1813. Ole vart den første sjølveigaren på Østrem, når han kjøpte garden i 1788. Ingen av borna tok over, så han selde bruket vidare til Knut Jensen Veibust i 1807, og tok kår hos neste brukar.

a) Hans Petter  dp.1789-1789  døydde 13 veker gamal.

b) Mads Andreas  dp.1790-1790  døydde 6 veker gamal.

c) Mads Andreas  dp.1791  vart ikkje nemnd ved arveskiftet etter mora i 1826.

d) Ingebor Olava Gurina  dp.1794-1798  døydde 4 år gamal.

e) Lassine  dp.1797-1866  1828 g.m. Ole Cornelius. Gunders. Bakken, brukar Giskegjerde(9). Tenar hos tanta  Inger i Røisen, Ålesund 1815.

f) Ingeborg Anna Gurine  dp.1799  1839 g.m. enkem. Gunner Arness. Olsvikfeta(1), busett Bakken og Noteneset i Ålesund. Fekk ein son i 1828 med Ole Ivers. Kongshaug(1), brukar Kongshaug(1). Dette var Ole Andreas, seinare brukar i Guttormgarden, Nedregotten(2).

g) Andrine Serina  1802-1803  døydde nesten 1 år gamal.

h) Halvar Peter dp.1804  vart ikkje nemnd ved arveskiftet etter mora 1826.

Halver Halverson Øvrebust(4) (1772-1806) kom frå Stordalen, og tok over garden i 1814. Han gifta seg 1799 med Kari Jacobsdotter Hatlen (dp.1770-1845), døypt Reite(15b) i Ørskog. Halver døydde på Fauskehagen(8) i Sykkylven. Kari gifte seg opp att med neste brukar.

a) Siri  dp.1792-1889  1840 g.m. enkemann Elling Peders. Løvoll, busett Løvoll i Eidsdalen. Mor var Gurru Pedersd. Busengdal(1).

b) Marie  dp.1799  vart døypt Fauskehagen. Tok over seinare.

c) Hans Jacob  dp.1804-1897    1) 1837 g.m. enka Randi Olina Enersd. Tøsse.

                                                       2) 1848 g.m. Anne Helene Paulsd. Valle(1). Begge budde og døydde på Tøsse, så Hans var                                                              nok brukar der. Fekk 1834 dotter med Marte Rasmusd. Ramstad(5), og son i 1835 med                                                              Anne Petrine Pedersd. Velle(9).

d) Christopher Severin  dp.1806-1885  1839 g.m. Kristine Pedersd. Aurdal(6+7). Han døydde hos dottera si på plassen Brattstøa, under Solevågseide på Sula.

Enka Kari Jacobsdotter Hatlen (dp.1770-1845) gifta seg om att med Peder Nilsson (ca.1760-1837), frå anten Hjortdal eller Hjorthol i Sykkylven. Dei fortsette som brukarar på garden til 1824. Peder sleit med å klare seg, når han fekk både enka etter 407, samt kårfolket 408 Ole og Aleth å forsørge. Han hamna i forlikskommisjonen eit par gongar, når han ikkje makta å betale kårytingane. 1824 tok han sjølv kår hos neste brukar, 64 år gamal. Han betalte ingen innskot på sølvskatten i 1816.

Sonen (Nils) Matias Ole Andreas Halvorson Østrem(1) (1852-1936) gifta seg 1883, med Pernille Pedersdotter Viddal(6) (1861-1947) frå Hjørundfjorden. Han var den første som dyrka opp markane for maskinell hestedrift i bygda. I tillegg gjorde han seg bemerka, når han i 1913 bygde minikraftverk på gardsbruket. Det var det første kraftverket i Borgund. Matias fekk lagt inn elektrisk lys og kjøpte kjøkkenreiskap, med hjelp frå elektroingeniør Arne Barman frå Haram. Barman var svigersonen til 412f Olivie. Matias dreiv med eksport av tørrfisk til Spania, og var ei tid medeigar i ein sluppgaleas som dreiv bankfiske. Han transporterte også is, frå innerst i Storfjorden, til bedrifter i Ålesund. Der lærte sonen Fredrik seg det mest grunnleggjande om båtdrift og segling. I ein kort periode, frå desember 1896, var han også direktør for «Østre Søndmøre Dampskibsselskab». Matias bygde seg ei stor fiskebu på berga aust for Østremsjøen, og vart i 1900-teljinga kalla «landhandler» i tillegg. Mathias var ein føregongsmann, som folk i bygda såg opp til. Det vart halde vekkelsesmøter (jmf.«sandstormen» på Sunnmøre) i nyløa hans i 1890-åra. Dette vart opptakta til den nye lekmannsrøyrsla på Emblem, som resulterte i opprettinga av indremisjonsforeining, søndagskule, og bygging av eige bedehus i 1902. Pernille var også aktiv med i lagslivet. Ho var Pinsevenn, og drog heilt til Ålesund på møte. Det likte ikkje Matias så godt. Mot slutten var det vanskeleg å drive garden. Han var då 75 år, og la garden ut for salg. Det enda med at sonen kjøpte den i 1928.

a) Hans Laurits 1885-1885 døydde 6 dagar gamal.

b) Mathias Laurits  1887-1887  døydde 5 dagar gamal av krampe.

c) Inga Olivia Mathæa  f.1889    1) 1906 g.m. Lars Martinus Olaf Ols. Wennersberg, Gåseidnes(3), skild 1919. Eldsteborna                                                                budde ei tid hos besteforeldra. Sonen, Louis Henrik (1907-1968), gifta seg 1935 med                                                                  Anne Betzy Knudsd. Emblem(7), Jakobgarden, busett ved Jakobgarden, og Borghild                                                                      Wennersberg gifte seg i Amerika med Georg Kukkonen. Tredje bornet, Dagmar, er mor                                                              til Jan Gunnar Øie i Ludvikdalen.

                                                       2) 1922 g.m. Axel Strømberg. Fekk dottera, Ester, som vart adoptert.

d) Fredrik Hilmar Peder  1891-1962  tok over bruket.

e) Ingeborg Hanna Sofie  1896-1981  seinare forpaktar

Sonen Fredrik Hilmar Peter (Nils) Østrem(1) (1891-1962) drog til USA 1908 for å søke lykka der. Han var først tømmerhoggar i Albion. Fredrik gifta seg 1919 i King, Washington, USA, med Grete Malena Jakobsdotter Frøyland(4) (1887-1960), frå Sokndal i Rogaland. Dei kjøpte bruket i 1828, og forpakta det vekk til søstera, Ingeborg, samme året. Fredrik dreiv mest med fiske. Han vart både kaptein og deleigar i eit rederi, som dreiv kveitefangst i Alaska med båten «Wizard». Han hadde erfaring frå farens båtar før han drog, og i 1928 fekk han bygd verdens største tunfiskbåt, kalla «Northwestern», som fangsta i Mexico, ved Panama og Galapagos, med mykje norsk mannskap. Fredrik var både deleigar og kaptein. Båten vart rekvirert av hæren etter angrepet på Pearl Harbour, og han tok hyre som kaptein på troppetransportskipet «USAT Colonel Frederick C. Johnson», frå 1943 til 1946, saman med sonen Tait. Familien budde først i Seattle, før dei flytte til San Diego, og etter kvart vidare til San Pedro, av helsemessige årsaker. Han pensjonerte seg i 1947. Dei flytta heim att for å drive bruket sjølv, men returnerte på ny til Amerika, i 1957, når dei vart besteforeldre. Grethe ville være nær borna sine, og dei vart buande livet ut i Amerika. Begge er gravlagde i Green Hills Memorial Park i Los Angeles. Bruket vart ført over til borna etter arveskiftet i 1964.

a) Nils Mathias Gotfrid  1920-1987  g.m. Haldis Marie Odine Jørgensen, Haram. Han vart fødd i Borgund, når foreldra var i Norge, ei tid etter bryllupet. Kom til USA 9 mnd. gamal i 1921, budde i San Pedro, California.

b) Tait Jubert Frøyland  1922-2018  1948 g.m. Nora Elizabeth Davis, busett i San Pedro 1959. Flytta til Scottsdale, Arizona. Har vore fleire gongar heime på farsbruket.

c) Clifford Phillip   1931-2013   1958 g.m. Mary Catherine Rollit. Begge gravlagd i California.

Søstera Ingeborg Hanna Sofie Østrem(1) (1896-1981) gifta seg 1916, med fyrbøter og maskinist Ragnvald Herman Røli Garshol. Han vaks opp i Nedre Strandgate i Ålesund. Dei flytte først til Eidsnes 1922, der Ragnvald dreiv eige fiskemottak. Frå 1928 til 1947 forpakta dei Mattisgarden for broren, Fredrik, før han kom heim att og tok over drifta. I denne perioden vart bnr. 7, Tunheim, brukt som kårbustad for foreldra, 413 Matias og Ingeborg. Kårbruket vart delt frå garden i 1928. Ragnvald hadde også det daglege ansvaret for drifta av minikraftverket i Mattisgarden. Han var også maskinist på den første privatferga, «Raana», til doktor Weiberg-Aurdal inne på Magerholm.

a) Solveig Pernille  1913-1966  1942 g.m. Peter Arthur Emblem(5) på Ystebøen, brukar Ystebøen. Dotter til brannkusk Broder Ingemann Thorsen i Ålesund.

b) Odd Anker Roi  1916-1989  fekk Tunheim bnr. 7 i gåve frå morfaren sin på Østrem 1928, men budde i Mattisgarden saman med foreldra. 1941 g.m. Haldis Nilsine (Andersen) Bjørkehaug. Flytta til Bergen, og brukte Tunheim som feriebustad, før han selde vidare til broren Fredrik i 1953. sjå også brukar der

c) Fredrik Malvin Roy  1917-1973  kjøpte Tunheim bnr. 7 1953. Sjå også brukar der.

d) Ingard Tønnes Malvin Roy  1919-1948  1947 g.m. Tommie Jane Dagley i Amerika. Emigrerte til USA. Døydde i ei ulykke i Austin Texas, busett Texas.

e) Olgar Henry  1922-1948  var ugift. Nemnd i USA 5. mai 1948. Gravlagd på Nørve.

f) Reidun Ingeborg Berta  1925-2014  1944 g.m. Petrus Magerholm, 1949 busett på tomt delt frå Ystebøen, dit storesøstera gifta seg i 1942.

g) N.N.  1926-1926  døydde straks etter fødselen.

h) Anny Irene  f.1927  1957 g.m. Anders Søgård Jørgensen, Ballerup i Danmark.

i) Georg  1929-1986   vart gravlagd på Hatleholen.

Søskenbornet på morsida, Ole Bernhard Viddal (1909-2001), dreiv bruket frå 1958 som forpaktar. Han var gift med Alma Eva Oleanna Larsen (1911-1978) frå Bekkarfjord, Lebesby. Det var meininga at dei skulle kjøpe bruket, men kjøpsavtalen lot vente på seg. Dei flytte difor frå bruket igjen, etter 5 år som leigetakar/ forpaktar på bruket.

a) Lars Ole f.1950  er ugift, busett Sykkylven.

b) Johan Arne  f.1951  er sambuar med Marit Steen Jensen, busett Ålesund.

Handelsartnar (Olav Arnold) Øystein Reykdal Eriksen (1905-1980) gifta seg 1933, med Klara Sigvarda Abelvik(1) (1905-1992). Ho vaks opp i Ålesund. Øystein dreiv det stort som gartnar i Spjelkavik, med fleire gartneri og frilandsdyrking. I 1966 vart han tildelt kongens fortenestemedalje i gull for dette arbeidet. Han fekk, i følge tinglest skøyte datert 27. august 1964, leige Mattisgarden, Østrem(1) i 20 år frå dei tre sønene etter Fredrik Østrem. Når leiga på til saman 125 000,- var betalt, innan 20 år var omme, skulle dette også vere den totale kjøpesummen på garden. Øystein og Klara busette seg på bruket og bygde gartneri der. Dei hadde full disposisjonsrett på garden i heile leigeperioden, og satsa også på frilandsdyrking av blomster og grønsaker. Samstundes dreiv dei framleis gartneriet i Spjelkavik. Øystein døydde i 1980, men kona Klara, som sat i uskifta bo, fortsette å drive gartneriet, og løyste inn garden før 1984. Kring 1990 flytte ho til dottera, Liv, i Kristiansand. Garden vart seld til neste eigar på om lag samme tid. Panteboka manglar nøyaktige opplysningar om når kjøpet vart fullført, men broren til neste brukar, 6131a Toralf Akslen, som lånte ut pengane til gardkjøpet, er i alle fall registrert her med ein obligasjon våren 1990. I ein periode frå om lag 1983, forsøkte fleire seg som drivar av gartneriet. Murbygget vart også leigd ut til andre formål ei tid. Per Ove Hjelme, busett på Vedhaugen like ved, starta opp bilverkstad der. Han flytte etter nokre år til meir eigna lokale, i den tidlegare bussgarasja til Emblemsruta. Delar av gartneriet vart skada under nyttårsorkanen i 1992. Det er no rive og erstatta av fjøs og stallar.

a) Einar Øystein  f. 1934   1960 g.m. Tove Marie Horsberg, busett Spjelkavik.

b) Aud Margaret  f.1938  1959 g.m. Hans Terp Jensen, Danmark.

c) Liv  f.1946   1967 g.m. Tor Johannesen (f.1946), Kristiansand.

Oddmund Akslen (1958-2016), Emblem(4), frå Fursetgarden, Emblem(4) er gift med Torill Margrethe Berge (f.1962) frå Spjelkavik. Ho fekk hjemmel til eigedomsrett på Mattisgarden frå svogeren, Toralf Akslen, i 1999, og Steinsgarden i 2013. Dei tok opp att gardsdrifta og bygde ny fjøs, med driftsbygningar for mjølkekyr, samt stallar for hest, «nede i Myrane» der gartneriet til stod tidlegare. Sjå også brukar  i Steinsgarden, Østrem(4). Torill er dagens grunneigar.

a) June Helen  f.1982  tok over hovudhuset på garden.

b) Siren Elise  f.1985  er sambuar med John Arne Baade Berg, busett på Emblem.

c) Simen  f.2001  busett i Steinsgarden, Østrem(4).

Dottera June Helen Akslen Nordheim, Østrem(4) (f.1982) fekk skild ut hovudhuset som eigen eiendom, med bruksnummer 45, i 2014. Sjå også Steinsgarden, bruk nummer 4 på Østrem. Mora, Torill Margerthe Berge, er framleis grunneigar på garden.

a) Aron Reinir  f.2002  er tvilling.

b) Anna Lilja  f.2002  er tvilling.