Bnr. 6 VOLL

Delt frå bnr. 1 Hansgaren

Thomas Bernhard Hansson Røssevoll(1) (1889-1975) fekk skild frå eit stykke av farsgarden i 1920. Han hadde gifta seg 1914 med Henna Petra Sina Jakobsdotter Emblemsvåg(6) (1894- 1978), frå Sandane, Emblemsvågen. Dei dreiv bruket frå 1922 til 1957. Det var ikkje like lett å drifte ein gard dei første åra. Det var vanskelege økonomiske tider, og ikkje så lett å finne seg nok arbeid attåt. Hausten 1930 vart det halde auksjon på bruket, for han makta ikkje å betale herredskatten. Frå annonsa i Sunnmørsposten kan ein lesa at det var to sauer og andel i ein motorbåt, som skulle auksjonerast vekk.

a) Jakob Sigurd  1915-1987  var ugift. Gravlagd i same grav på Borgund kyrkjegard som søstera.

b) Thelma Hanny  1920-2006  tok over bruket.

c) Severine Laura  1925-1941  var ugift. Gravlagd i same grav på Borgund kyrkjegard som broren.

Svigersonen Reidar Arthur Krogsæter(6) (1917-1995), frå Vatne, gifta seg 1942 med Thelma Hanny Røssevoll(6) (1920-2006). Han var skreddar, og budde ei tid i hus på Aksla, før dei tok over bruket 1957. Thelma fekk livsvarig burett på garden i 1983. Dei bygde seg ny hytte på Røssevollsetra.

a) Terje Harald  f.1943   1966 g.m. Karin Pedersd. Sulebakk, busett i Mauseidvågen på Sula.

b) Ingrid Gunnbjørg  f.1945  Bbusett i Spjelkavika.

c) Solbjørg  f.1947  1967 g.m. Johan Benjamin Lillevold, busett i Borgundfjordvegen i Spjelkavika.

d) Torunn Randi f.1955   tok over bruket .

Svigersonen Rune Oddvin Myklebust (f.1954) gifta seg med Torunn Randi Røssevoll(6) (f.1955). Ho tok over bruket 1989, og er dagens grunneigarar på bruket. Torunn eig i tillegg Rognereiten, og Tykjegarden.

a) Therese  f.1979  2001 g.m. Herman Helgesen, busett Eidsnes.

b) Sylvia Mariann  f.1980  2005 g.m. Thorstein Sten Gjerde, busett Hatlehol.

c) Anette K  f.1983  tvilling, 2010 g.m. Anders Hoff, busett Ratvik.

d) Margareth Helen  f.1983  tvilling, 2014 g.m. Are Henry Lund, busett Flisnes.

e) Tom-Ruben f.1987  busett i Oslo.