Bnr. 2 ROGNEREITEN
Delt frå Hansgaren bnr. 1
Ole Berntson Midtgård (1827-1920), frå Oaldsbygda, gifta seg 1856 med Anne Marie Samuelsdotter Storstein(3) (1832-1892) i Sunnylven. Ho var opphavleg fødd på Hole i Geiranger, og dei fekk delt frå den vesle husmannsplassen 1859. Ole betalte 40 speciedaler for festebrevet og 1 speciedaler i årleg leige til brukarene i Hansgaren. Videre skulle dei ha 4 arbeidsdager på hovudbruket kvart år, men var så heldige å få låne hest i til saman 2 dagar også. Det var nok helst pløging av åkrane dei nytta den til. 1880 kjøpte Lars Kristiansen Emblem(11), frå Sjursgarden, Rognereiten for 100 speciedaler som ei investering. Han selde plassen vidare til Johan Albertsen Slinning 1886, for 410 kroner, før Ole fekk kjøpe jorda han dreiv for 400 kroner i 1889. Johan var forresten svigerson, og gift med dottera Ingeborg. Ole dreiv plassen til 1902, og budde etterpå som enkemann hos Ingeborg og Johan, på bruk nummer 11 på Slinningen.
a) Ole Andreas 1856-1883 døydde av tæring.
b) Synnøve 1858-1884 døydde av tæring.
c) Severin 1861-1864 døydde av strupehoste.
d) Ingeborg Johanne 1863-1941 1888 g.m. Johan Lauritz Slinning(11), brukar Slinningen(11).
e) Berthe Lovise 1865-1957 1886 g.m. Sivert Andreas Slyngstad(27) frå Stranda. Bruskøyrar i Ålesund.
f) Samuel Martinus 1868-1871 døydde 3 år gamal.
g) Knud Britanus 1870-1943 1) 1895 g.m. Synnøve Larsine Andersd. Flote(2) frå Volda.
2) 1910 g.m. svigerinna Kanutte Andersd. Flote(2). Var bryggeformann i Ålesund 1900.
h) Rasmus Olaf Samuel 1872-1961 g.m. Oline Josephine Hansd. Nordstrand frå Valderhaug(13), brukar Nyheim, Valderhaug(36).
i) Kristine Eline Karoline 1875-1882 døydde av lungebetennelse.
j) Ole Martin 1880-1947 1909 g.m. Petra Gjertine Sofie Lauritsd. Eltvik frå Selje, busett Ålesund.
Rasmus Arneson Årsnes(2) (1851-1935), frå Hjørundfjorden, gifta seg 1882 med (Anne) Karoline Ole-Andreasdotter Aakre(4) (1844-1917), også ho frå Hjørundfjord. Dei fekk ingen born. Karoline døydde på Røssevollen, medan Rasmus døydde på Oppdøl i Romsdal og vart gravlagd i gamle Bolsø kommune.
Laurits Andreas Johansen Røssevoll(4) (1890-1942) var sonen til Johan Peter Røssevold, frå nabobruket Nygjerdet, og fødd på Vigra. Foreldra emigrerte til Amerika 1893, medan Laurits vart att som pleieson på Nygjerdet. Han vart brukar 858 der også. Laurits gifta seg 1919 med Gyda Josefine Antonsd. Hegg (1893-1980), frå Kristiansund. Dei kjøpte Rognereiten saman med Nygjerdet, Røssevoll(4) i 1917, men selde vidare 1920. Han flytte til Ålesund og er nemnd i Molovegen 9 frå 1921 til 1926, samt i Ringgata 18 i 1928.
a) Lars Arne 1920-2008 g.m. Aase Hegg. Gravlagd Nedre Gravlund i Ålesund. Han var krigsfange i Marokko under andre verdskrigen.
b) Arnold Charles 1921-1977 1946 g.m. Gunvor Valle, busett i Ålesund.
c) Margon Bertine 1923-2013 1949 g.m. Anders Stavland, busett Bømlo.
d) Liv Gunvor 1926-2001 1948 g.m. Ingvald J. Ormberg, busett Bergen.
e) Annbjørg f.1928 1949 g.m. Trygve Hansen, busett Ålesund.
f) Johan Syver 1930-2010 busett Haram.
Elias Salomon Knudson Emblem(16) (1869-1949) kom opphaveleg frå Steffågarden, Emblem(6). Han kjøpte eit stykke frå farsgarden, som fekk namnet «Storhaug», Emblem(16), og vart brukar 6144 der. 1920 kjøpte han Rognereiten til slåttemark, medan Fredrik Andreas Larsson Emblem(1) i Negarden, Emblem(1), kjøpte naboplassen Nygjerdet på Røssevollen frå Laurits Røssevoll. Elias sa frå seg Storhaugen og flytte til Pe-garden, Røssevoll(5) 1931, der sønene hadde kjøpt seg gard.
a) Konrad f.1907 var ugift. Kjøpte Pe-garden, Røssevoll(5) saman med broren i 1931. Vart brukar der.
b) Edvin Kaspar f.1913 var ugift. Kjøpte Pe-garden, Røssevoll(5) saman med broren i 1931. Vart brukar der.
1923 kjøpte brødrene Lauritz Hans Pedersen og Lauritz J. Pedersen plassebruket til familiehytte.
Sonen til Lauritz Hans Pedersen, Otto Martin Pedersen (1907-1993), kjøpte 1934 halve Rognereiten frå onkelen Lauritz Pedersen Jr., saman med ektemaken Henriette Pedersen (1911-1994). I 1942 fekk han den andre halvparten for 1000 kroner, i forbindelse med arveoppgjeret. Hytta blei verande i familien til 1994. Då vart hytta del av dødsboet etter dei og seld av familien.
Den tidlegare husmannsplassen vart kjøpt i 1994, av Torunn Randi Krogsæter Myklebust (f.1955), Røssevoll(6), frå nabobruket. Då var allereie husa på tunet delt frå, året i forvegen, som hyttetomt. Sjå meir om dei på nabobruka Tykjegarden og Voll.
a) Therese f.1979 2001 g.m. Herman Helgesen, busett Eidsnes.
b) Sylvia Mariann f.1980 2005 g.m. Thorstein Sten Gjerde, busett Hatlehol.
c) Anette K f.1983 tvilling, 2010 g.m. Anders Hoff, busett Ratvik.
d) Margareth Helen f.1983 tvilling, 2014 g.m. Are Henry Lund, busett Flisnes.
e) Tom-Ruben f.1987 busett i Oslo.
2011 vart Gnr. 8 Bnr. 35, som omfatta kun sjølve tunet på Rognereiten, seld frå Anders Grasdal til Trygve Jan Haagensen (f.1943) og Torunn Skarpaas (f.1942). Dei er busett i einebustad på Røssevollen, og er dagens eigarar.
a) Birgit f.1975 busett Oslo.
b) Bjørn Eivind f.1977 2014 g.m. Ane-Marte Grande frå Godøya, busett Ålesund.
c) Jan Trygve f.1983 Sambuar med Beate Husøy frå Hareid, busett Ålesund.