Tunet lengst mot høgre i midten er Rasmusgarden på Flisnes. Flyfoto frå 1952. Dette bildet hang i storstua i Rasmusgarden i mange år. Vestheim og Norheim ligg til venstre, og løa i Hansgarden nede i venstre hjørne. Bildeeigar er Egil Rabbevåg Du finn fleire bilde i eige album under gardsteksten
Bnr. 2 RASMUSGARDEN
Rasmusgarden vart delt frå som eige bruk på 1650-talet. Den første brukaren ein kjenner til var Tormod. Han døydde 1660.
Enka Anne Jonsdotter (ca.1608-1701) gifta seg truleg på nytt med Ingebrigt Baardson (ca.1628- 1706). Han var registrert som dreng for svigersonen på dette bruket i 1704.
a) Marete f.ca.1660 tok over bruket.
b) Brite f.ca.1670 1707 g.m. enkemann 1306 Hans Tostensen, brukar Flisnes(1).
Svigersonen Jon Knutsen (ca.1670-1709) var brukar her frå 1699, til han døydde. Jon gifta seg 1699 med Marete Ingebrigtsdotter Flisnes(2) (f.ca.1660). Svigerfaren, Ingebrigt, hjalp til som dreng etter at han vart kårmann. Arveskiftet etter Jon i 1709 nemner hest, 6 kyr, 2 kviger, kalv, 6 geiter og 3 lam, så dei hadde ein del dyr i motsetning til mange av naboane i Eikenosvågen. Videre hadde dei færing i eige naust, og tjøreved til ein verdi av 10 riksdaler. Buet hadde eit overskot på 46 riksdaler. Det ser ut til at enka gifta seg på nytt med neste brukar.
Enka Marete Ingebrigtsdotter Flisnes(2) (f.ca.1660) vart truleg gift opp att etter 1709, med Knut Knutson Eikenos(II) d.y. (ca.1676-1730). Det ser ut til at dei ikkje fekk born. Knut vart gravlagd samme dag som broren, Knut Knutson d.e. Blindheimsnes(2), 2. april 1730.
1731 kom Peder Olson Strømsheim(5) (ca.1705-1783) til Flisnes frå Sykkylven. Han gifta seg 1731, og dreiv bruket til 1780, saman med kona Berrete Olsdotter Blindheim(7) (dp.1705-1746). Arveskiftet etter Berrete nemner hest, ukse, 4 kyr, 2 kviger og 3 sauer. Dei hadde part i seksrøring, kaste-, silde- og søkkenot. Av avling vart 10 tønner havre nemnd og dei hadde eige kvernhus, men dei andre bygningane på garden var nok bygsla. Alt i alt var buet på 152 riksdaler, med kun ei gjeld på 15, så dei klarte seg godt. Peder gifta seg på nytt 1747 med Guri Pedersdotter (ca.1720-1784). Dei tok kår hos svigersonen. Mor til Peder, enka Guri Larsdotter Strømsheim(5), døydde her 1752.
a) Anne dp.1735 1756 g.m. Knut Olsen Røisen(II), brukar Røysa(II), Sula.
b) Joen dp.1737 Ikkje nemnd i arveskiftet 1746.
c) Joen dp.1740-1750 døydde 10 1/2 år gamal.
d) Ole dp.1745 vart nemnd i arveskiftet 1746.
e) Peder dp.1756
f) Jacobine dp.1759-1818 tok over bruket.
Svigersonen Rasmus Nilsen Store-Årset(2) (1752-1797) hadde vore omgangskulelærer, før han kom til Flisnes og slo seg ned her. Rasmus dreiv bruket frå 1780 til 1807 og gifta seg 1780 med (Jakobæa) Jacobine Pedersdotter Flisnes(2) (dp.1759-1818). Ho gifta seg på nytt med neste brukar.
a) Pernille dp.1781 11 år 1788, men ikkje nemnd i 1801-teljinga.
b) Kristina Gurina dp.1783 er ikkje nemnd i 1801-teljinga.
c) Johane dp.1786-1818 tok over bruket.
d) Anne Petrike dp.1790- 1876? 1832 g.m. Lars Pauls Dyb. Dei er nemnd i 1865-teljinga som kårfolk hos sonen på Moldværsvern, Moldvær(7+8).
e) Peter Andreas dp.1793-1797 døydde 5 år gamal.
Enka Jacobine Pedersdotter Flisnes(2) (dp.1759-1818) gifta seg på nytt 1799, med Nils Christensen Skaar(1) (dp.1770-1804). Ho tok kår hos svigersonen.
Svigersonen Ananias Rasmussen Eikenos(IIb) (dp.1781-1847) tok over bruket i 1807, og dreiv det til 1825. Han gifta seg 1807 med Johane Rasmusdotter Flisnes(2) (dp.1786-1818), som hadde vore tenestejente på Eikenosa, hos far til Ananias. Ho vart registrert der nokre år tidlegare, i 1803. Ananias kjøpte garden for 106 riksdaler og forsøkte seg som sjølveigar frå 1807, men dette var vanskelege tider for den som hadde stor gjeld. Dei måtte derfor selge bruket i 1811 til Jon Olson Strømsheim og gå attende til å vere bygselsfolk, men det kosta. Ved arveskiftet etter Johanne i 1818 var buet fallitt. Garden vart seinare i Ole Strøm, frå Ålesund, sitt eige. 1819 gifta Ananias seg opp att med Anne Arnesdotter Solevåg(5) (dp.1786-1845). Dei fekk kår hos neste brukar i 1825.
a) Peter Christian dp.1808 1839 g.m. enke Olave Birgitte Olsd. Nedregotten(1), brukar Skaret, Nedregotten(1). Han døydde etter 1865.
b) Ingebor dp.1810-1887 1843 g.m. Berndt Andreas Berntsen, Nedre-Skodje(3), brukar Slinning(7) 1846-1865. Budde ellers på Nedregård 1843, Ålesund 1865, og Hellevikstranda i 1875.
c) Nils dp.1813-1887 1844 g.m. Margrethe Marie Iverd. Hesseberg(1), brukar Nerigar, Hesseberg(1).
d) Rasmus Andreas 1817-1872? døydde kanskje som ungkar og fattiglem i Lervågen.
e) Ingebrigt Elias Johan 1822-1906 1851 g.m. Ane Johanne Larsd. Urkedal(2), busett Ålesund. Han var bryggearbeider og seinare bødtker.
f) Andrine f.1824 1858 g.m. Martinus Andreas Rasmussen Alnes(10), busett Ålesund. Huseigar Skaret, Nordigard i Ålesund 1867.
g) Son 1827-1827 var dødfødd.
Amund Lasseson Greidung(1) (dp.1795-1856), frå Innvik i Stryn, gifta seg 1824, og dreiv bruket frå 1825 til 1855, med kona Dorthe Andersdotter Erdal(5) (dp.1800-1845) frå Innvik i Stryn. 1846 gifta han seg på nytt med Jeslov Erichsdotter Rygg(1) (1804-1889). Ho kom frå Nordfjord og gifta seg opp att med Jørgen Gregoriussen Tynes(2) (1805-1869), som enke i 1858. Dei dreiv bruk nummer 3 på Blomvik. I 1874 vart ho gift for tredje gong med Siver Peter Martinus Larsson Humlen(7). Dei dreiv Blomvikrabben, Blomvik(3).
a) Lars Andreas 1827-1910 Tok over bruket.
b) Petrine? 1835 Fattiglem i Ålesund 1885. Høyrer kanskje til her.
Sonen Lars Andreas Amundson Flisnes(2) (1827-1910) tok over etter foreldra sine i 1857. Han gifta seg 1858 med Ingeborg Caroline Rasmusdotter Blindheim(7) (1831-1876), og tok kår allereie i 1863. Dei busette seg på kårstykket «Kalmyra», lengst vest på innmarka til garden. Dei flytte også stova si dit. Ingeborg vart kalla Karoline i 1875-tellinga. Det vart registrert at ho vart blind etter 44 år, altså i vaksen alder. Lars gifta seg på nytt med Nicoline Jensdotter Langlo(244f) (1834-1919) frå Stranda i 1880. Ho døydde av bronkitt på Borgund Gamleheim.
a) Andreas Raskanus 1862-1862 døydde rett etter fødselen.
b) Ingeborg Martha Christine 1865-1896 1891 g.m. Peter Daniel Elias Bernts. Aase(4), busett Ålesund. Han var hamnearbeider. Ho døydde i barselseng.
c) Johan Rasmus Henrik 1867-1868 døydde 1 1/2 år gamal.
Rasmus Elias Hansen Kvasnes(4) (1835-1895) gifta seg 1860, med Johanne Knudsdotter Veibust(5) (1833-1891). Dei bygsla først farsgarden til Johanne, Hansgarden på Veibust, før dei overlot den til Johanne sin halvbror, Hans, og tok over Rasmusgarden på Flisneset i 1863. Dei dreiv her til 1886 og bygde nye hus på bruket. I 1879 var han med på ei redningsbragd utanfor Flisnes, saman med naboen Lars Andreas Hanson Flisnes(1) og Elias Olsen Flisnes(3). Han fekk ein sølvpokal frå Kong Oscar II til takk.
a) Hansine Karoline Andrine 1861-1948 1884 g.m. Johan Mikael Rasmussen Ødegård, brukar Framigar, Eikenosøydegard(3).
b) Christine Caroline 1863-1864 døydde 21 veker gamal.
c) Hans Laurits Karolus 1865-1952 tok over bruket.
d) Lisa Laurine Martha 1868-1886 var ugift. Døydde av «fallesyke».
e) Ingeborg Caroline 1871-1890 var ugift. Døydde av «fallesyke».
f) (Anna) Jensine 1874-1966 1908 g.m. Jens Johan Andreas Eikenosødegard(1), brukar Utigard, Eikenosøydegard(1).
Sonen Hans Laurits Karolus Rasmussen Flisnes(2) (1865-1952) var brukar her frå 1886 til 1924. Han gifta seg 1887 med Elisa Kristofa Gurine Iversdotter Valderhaug(7) (1865-1923). Dei kjøpte garden, frå eigar Ole Strøm sitt dødsbu, når dei kom hit i 1886. I 1924 skøytte Hans frå seg garden til sønene. Han fekk ansvar for drift og tilsyn av fyret på Flisnes, med pussing av linse, etterfylling av parafin og skifting av brennveke heile vinterhalvåret.
a) Iver Ragnvald Laurits 1888-1960 drog til Winnipeg, Canada i 1922. Skogsarbeider og møllearbeider der. Kom heim og døydde hos broren, Arthur, i Eikenosvågen.
b) Inga Gustava 1890-1976 1925 g.m. Jakob Jakobs. Aakernes, brukar Hansgarden, Flisnes(1).
c) Josefine Karoline 1892-1974 1920 g.m. Daniel Oluf Veibust(2), fyrbøtar og brukar V eibust(12).
d) Ragna 1895-1972 1919 g.m. Hagbart Julius Johan Bernhoft, Meløy, busett Syvermarka Blindheim. Fiskar og mannskap på lokalbåten «Von», busett på Flisnes ved giftermålet. Faren, Herman, budde på nabobruket bnr. 1 Hansgarden på Flisneset 1910, hos kårkona Oline Williksd. Flisnes(1).
f) Martha Ingvarda 1897-1978 1925 g.m. Peder Ingjer Jakobs. Aakernes, Flisnes(1), brukar på Utigard, Eikenosøydegard(1) frå 1924. Pleiedotter hos tanta, brukar Anna Jensine Flisnes(2), Utigard, Eikenosøydegard(1).
f) Rasmus Olaf 1899-1990 tok over bruket saman med broren.
g) Hans Laurits 1901-1995 tok over bruket saman med broren.
h) Laurits Ingvald 1904-2001 1945 g.m. Bessie May Stewart. Til Canada 1929, kalla seg Louie. Sist busett i Keewatin, Canada.
i) Arthur 1906-1984 1944 g.m. Emma Johanna Kvasnes, fødd i Torevågen, Eikenosvåg(1). Dei busette seg på tomt frå denne garden i Eikenosvågen.
Rasmus Olaf Hansen Flisnes(2) (1899-1990) delte bruket med broren, Hans, i 1939. Han gifta seg 1924, med Brita Sofie Berntsdotter Midtgård(2) (1894-1983) frå Oaldsbygda, Sunnylven. Rasmus tok også over ansvaret for fyrlykta. Han overlot dette arbeidet til sonesonen, Øyvind Lidvar Rabbevåg, ca. 1980. På 1990-talet vart det automatisert og då var det ikkje behov for tilsyn meir. I Rasmus og Brita si tid starta salget av tomter frå garden. dei dreiv bruket til 1973. Foreldra til Brita døydde på Flisnes i 1946 og 1950.
a) Hans Eiliv 1925-1982 tok over bruket.
b) Asbjørg Reidun 1927-2016 1952 g.m. Olav Hjalmar Rabbevåg, busett Rabben(9).
c) Elisa f.1930 1953 g.m. Lars Harald Rabbevåg, busett Rabben(14).
d) Jorunn Helga f.1933 ugift, busett Flisnes.
e) Bjarne Per f.1933 tok over seinare.
Sonen Hans Eiliv Flisnes(2) (1925-1982) gifta seg 1968, med Emma Jørgine Temtemoen (f.1927). Ho vart fødd Bjørhovde. Dei skilde seg 1972 og har ingen born.
Broren Bjarne Per Flisnes(2) (f.1933) tok over som i 1983, og var grunneigar til 2006. Han gifta seg 1965 i Sykkylven, med Oddlin Kjellfrid Tynes(5) (1937-2018) og busette seg på Tynes. Han overlot bruket til dottera.
a) Amund Lorents f.1967 1999 g.m. Tina Bjørnevik, busett Tynes, Sykkylven.
b) Brit Reidun f.1969 2016 forlova med Even Idar Blindheim Jensen, busett Sykkylven.
c) Randi Kristin f.1970 sambuar med Geir Kåre Sørheim, Ørsta. Busett først i Skråvika, Flisnes. Flytta 2017 til Blindheim.
d) Oddbjørn f.1972 2008 g.m. Kari Benestvedt, Karmøy. Busett Kopervik.
e) Sigrid f.1974 tok over bruket.
Dottera Sigrid Flisnes (f.1974) er dagens grunneigar. Ho gifta seg 2004 med Morgan Bergsnes Jelle (f.1974) og tok over bruket i 2006. Dei er busett på Flisnes.
a) Andreas f.2003 busett Flisnes.
b) Ingrid f.2006 busett Flisnes.
